• josifzr@gmail.com
• (023) 561-104
• www.josif.edu.rs

Рок снованя: 1948.

Снователь: Автономна Покраїна Войводина

Файта установи: Muzička škola, Umetnička škola

Язик воспитно-образовней роботи: Сербски

О установи

По ошлєбодзеню городу и законченю Другей шветовей войни требало предлужиц розвити музични живот и збогациц з новима вредносцами єдну културу – музичну – хтора вше баржей поставала потреба широких дружтвених пасмох.
Обачовало ше намаганє же би дацо требало зробиц на орґанизациї музичного животу у городу.
Поступнє ше почало формовац велї хори и оркестри при основних школох, єдинкох ЮНА, у орґанизацийох привредних и дружтвених дїялносцох итд.
З ансамблами руководзели музичаре, а вони – як и члени ансамблу – були людзе розличних занїманьох, зоз шицких дружтвених слойох.
Перша ґенерация нїзшей музичней школи
Таки повойнови розвой музичного животу наруцел потребу школованя музичних кадрох – потребу за снованьом музичней школи у городу.
Пририхтованя за отверанє музичней школи почали 1947. року.
По доставаню ришеня Министерства просвити, року 1948. основана музична школа под меном Городска нїзша музична школа.
Школи було одобрене отверанє оддїлу за клавир, смикового и дуйного оддїлу.
Того року до першей класи уписани коло 150 школяре.
Школа почала з роботу у будинку хтори ше находзел у улїци Иво Лоле Рибара число 46.
Од новембра 1949. року преселєна є до нового будинку на Площи шлєбоди число 7, у хторей ше и нєшка находзи.
Уж зоз законченьом першей ґенерациї школярох Городскей нїзшей музичней школи (школского 1953/54) чувствовало ше потребу за снованьом штреднєй музичней школи, бо добра часц закончених школярох жадала предлужиц школованє.
Року 1961.
Министерство просвити НР Сербиї дало согласносц за отверанє Штреднєй музичней школи у Зренянину, та школа почала з роботу школского 1961/62. року.
Штреднї ступень школи мал два оддїли:
теорийно-наставнїцки и уметнїцки.
Од того школского року нїзша и штредня школа творя єдинствену музичну школу под назву Музична школа «Йосиф Маринкович».
Року 1963.
зоз Статутом школи одредзени 13. май – дзень шмерци Йосифа Маринковича, композитора чийо мено школа ноши – як Дзень школи.

Директор: в.д. Драгана Грујић

Датум ступаня на длужносц: 20.10.2025