• pedagog@gimnazijaapatin.edu.rs
• 025/773-211, 773-655
• www.gimnazijaapatin.edu.rs

Рок снованя: 2019

Снователь: Автономна Покраїна Войводина

Файта установи: Mešovita srednja škola

Язик воспитно-образовней роботи: Сербски

О установи

На 174. схадзки, хтора отримана 10. янура 2019. року, Покраїнска влада принєсла одлуку о снованю новей школи под назву Ґимназия и фахова школа «Никола Тесла» хтора зоз свою роботу почина 1.9.2019. року. З исту одлуку Покраїнскей влади утаргнути два школи Ґимназия «Никола Тесла» и Штредня будовательна и древопрерабяцка фахова школа. Школяре хтори ходзели до тих двох школох, як и наставни кадер хтори бул заняти, предлужи свою образовно-воспитну роботу у новей школи.
Ґимназия и фахова школа «Никола Тесла», з оглядом же настала од двох школох хтори робели вєдно у истим будинку велї роки облапя у себе числени пременки по хторих є характеристична и окремна.
Перша Ґиммназия «Никола Тесла» у Апатину основана 28.4.1962. року. Школски будинок ґимназиї бул теди стари будинок терашнєй Основней школи ''Жарко Зренянин» у Апатину. На початку своєй роботи була двонапрямна общеобразовна штредня школа дружтвено-язичного и природно-математичного напряму. З реформу штреднього образованя престала з роботу школского 1978/79. року. У периоду до снованя новей ґимназиї трансформована є до Заєднїцкей штреднєй школи и роботней орґанизациї за штреднє образованє. Нова Ґимназия ''Никола Тесла» общого напряму основана 29.6.1990. року, вишколовала двацец дзевец ґенерациї ґимназиї общого напряму и зоз свою роботу престала 31.8.2019. року.
З реформу штреднього образованя штредком седемдзешатих рокох, односно з уводзеньом першей и другей класи заєднїцких основох после законченей основней школи, 1977. року основана школа Центер за образованє фахових роботнїкох будовательного фаху «Никола Тесла» у Апатину. Шедзиско школи було у будинку машинского школского центру у Апатину. Согласносц на снованє Центру дала Скупштина општини Апатин 10. марца 1977. року. Статут Центру принешени 20. юния 1977. року. Центер ше у першим 1977/1978. школским року од основаня почал формовац по Плану и програми за образованє фахових роботнїкох будовательного фаху. Согласносц на виполньованє условийох у погляду простору, опреми, наставних средствох и наставного кадру достата 22.9.1977. року. Истого школского року Центер до першого року – як трецу класу уписал три оддзелєня за занїманє муляр и технїчни рисовач.
З реорґанизацию штреднього образованя у општини Апатин основана Роботна орґанизация за штреднє образованє. Єден з ООУР-ох основани як правни нашлїднїк, Центер з назву ООУР за образованє фахових роботнїкох будовательного и древопрерабяцкого фаху «Никола Тесла». ООУР уписовал школярох до першей и другей класи заєднїцких штреднїх основох и школярох професийно-унапряменого образованя и воспитаня будовательного фаху. Зоз Законом о штреднєй школи хтори принєшени 1990. року предписане усоглашованє штреднього образованя. З реорґанизацию штреднього образованя у општини Апатин, з одлуку СО Апатин 29. юния 1990. року, у исти час кед и Ґимназия «Никола Тесла», снує ше и Штредню будовательну и древопрерабячку фахову школу, як правного нашлїднїка ООУР «Никола Тесла», и под тоту назву школа роби до 31.8.2019. року.
Обидва школи були од велькей значносци за општину Апатин. У тим периоду постояня витворели винїмково важну улогу у дзвиганю общого образованя и воспитаня, штреднього фахового образованя як и културного уровня гражданох.
Од 1. септембра 2019. року нова школа Ґимназия и фахова школа «Никола Тесла», предлужує по шлїдох своїх шлїдбенїкох.

Директор: Милан Дражић

Датум ступаня на длужносц: 13.03.2024